Showroom

收藏玩具多年,一直都好想有個Showroom.多得老豆同嘉俊嘅幫手,用咗一個月多少少,總算大功告成,都幾有滿足感!!

Hottoys 戰狼300

~戰狼300真係一套好成功嘅漫畫改編电影,集美術,暴力,情節於一身,反觀我哋套『風雲2』就.....而Hottoys出果隻國王figure,同套戲一樣,正到不得了,簡單中見細緻,包膠body經過咁多代嘅發展,已經去到成熟嘅階段.整体喱講Hottoys出嘅figure,我覺得已經去到蠟象級嘅領域,都係時候收窄我嘅收藏嗜好啦!真係要認真造個靚靚嘅Show Room!!

MAX FACT0RY 強殖裝甲 Vol.12

~講真有時我覺得自己都幾長情.喱套『加爾巴』我大大話話都支持咗佢20幾年,今次佢最新出嘅村上征樹『獸神將』figure,要成$800水真係貴到你唔信...不過有時心頭好,又唔能夠用錢去衡量,加上「村上征樹」喱個悲劇英雄,又出得幾正!!只要自己加少少工,就可以做到未变『獸神將』嘅村上,真係唔錯!但真係唔知漫畫幾時完.......睇咗20幾年,總係覺得村上會变返好人,再同阿晶(加爾巴1)並肩作戰!!

H0TT0YS lR0NMAN MARK3(BATTLE DAMAGED)

~今次lR0NMAN『損傷版』都幾戲劇性,個版出喱靚到飛起,但大貨相一出就『媽聲四起』!!!新年流流俾客仔開年真係唔好過,其實主因係頭雕出唔到版嗰個面相,面罩又花得唔太靚,大家又覺得『損傷版』D顏色唔應該Sharp成咁等問題....攪到HT3大巨頭齊齊睇場,又攪試玩,又有人講解...初初我都覺得有D唔妥,但當攞貨後,又覺得唔錯,先有VlP爛頭送(爛頭都賣到$320),包裝又真係幾有心思,又有尊用袋.figure本身細節位又有改善同強化,上色又比Ver.1好!整体喱講係一隻應該有掌聲嘅figure,只係頭雕同個版有D出入......其實HT都算係咁啦!!期待lR0NMAN2!!

H0TT0YS ALlEN (Big Chap)

~異形之父佳格,真係天才.能夠設計出一隻咁恐佈嘅太空怪物出嚟!咁多年都只係PREDAT0R可以同佢齊名,但我自己最驚都係異形,記得細嗰睇完異形第1集,夜晚即是發悪夢,係反斗城見到一比一嘅異形figure,直头驚到唔敢走過去.....但大嗰咗就好欣賞喱隻怪物,HT早期都出過異形,都好正吓!但當知到會出元祖異形,即時放咗D舊異形,買過D新嘅!HT本地原型師Joseph Tsang嘅出色雕塑,加上HT細緻嘅製作!(包裝設計一流連佈景版都在內,再加幾隻早前買嘅異形蛋,令到隻figure更加真實!)真係唔買唔安樂!!

Threezero Gallery "HONG KONG VENTURE"展覽

~好難得潮玩界有個咁正嘅展覽,原本峰哥請阿智去,去佢攪exhibition,但因阿智要返工,所以我去!!果然冇令我失望,在場有多位潮玩界名人.又有名家作品,又有美女model,又有美食飲品,重有精美紀念品!!真係非常正呀~~ 如果阿智可以同我一齊就正,佢一定叫D名家簽名留念~~當中有多位藝術創作家( Ashley Wood, 鐵人兄弟@Kenny Wong ,麥少峰,何家超)已Ashley Wood作品為多數,美版Metal Gear我已有留意佢,其次就係Kenny Wong ,因為我鐘意『鐵人兄弟』,今日佢哋3子到齊,希望佢哋會攪『鐵人兄弟』十週年啦!!麥少峰套figure都幾正!玩界展覽就去得多啦!開幕禮就第一次,希望有機會再去過!

MATTEL ( Masters of the Universe)

~近排太懶,又太多事發生,引致冇UPDATE.....講返正題先,He-man係我童年時最愛卡通之一,2002年He-man出新版,我僅係第一時間買入啦,造型靚就靚,不過關節唔多,喱個係佢嘅致命傷,但好彩角色都算出得齊,又出骷髅頭堡,等我可以願咗細嗰嘅夢想,骷髅頭堡有好多機關,只要係He-man等人先會開門,骷髅魔係入唔到去,因為每隻figure都有張內藏晶片,可以識另佢哋嘅身份,算係幾先進!骷髅頭堡初初出要七佰幾蚊,家吓一佰蚊都有交易,所以我買咗2個!至於figure我都係近期先儲齊...呀重差一隻先齊,家吓玩12吋多D,6吋figure就少D,下次再介紹舊版同新新版He-man!!